20/02/2012

ప్రేమ




ప్రేమంటే.....
చిమ్మ చీకటిలో కనిపించే కాంతికిరణం...
మిరుమిట్లు గొలిపే కాంతిలో కనిపించే ఛాయ...
మాటల్లో కనిపించే నిశ్శబ్దం....
నిశ్శబ్దంలో వినిపించే  సవ్వడి...
కంట కన్నీరొలికే సమయంలో చిరునవ్వు చిందింప చేస్తుంది...
నవ్వుతున్న కంట కన్నీరొలికిస్తుంది.... 

అందుకే ప్రేమంటే కొందరికి వరం ...
మరి కొందరికి శాపం.....   @శ్రీ

నీ అందం



నీ అందం అద్భుతం...
కోటి దీపశిఖల కాంతులున్నాయి నీలో...
ఆ అందాన్ని వీక్షించే భాగ్యం నాకు కలిగించావు ఈ జన్మలో...

నీవు స్నానమాడే సమయంలో సబ్బు బుడగలపై మెరిసే నక్షత్రాలను చూసి 
ఆశ్చర్యపోకు సుమా.....
అవి నా వేయి కనులు తప్ప మరేమీ కావు......
అవి నా వేయి కనులు తప్ప మరేమీ కావు......

అన్వేషణ



నేను నిన్ను ఎప్పుడు  పోగొట్టుకున్నానో  నాకే తెలియదు ...
నీకోసం మొదలైంది నా అన్వేషణ.

పూల పరిమళాలలో వెతికాను   నీకోసం...
పున్నమి నాటి వెన్నెల్లో వెతికాను.....
ఎగసి పడే సాగర తరంగాలలో వెతికాను...
గల గల పారే సెలయేటిలో వెతికాను
అందమైన జలపాతాలలో  వెతికాను ....

ఎంత మూర్ఖుడినో చూసావా?
అన్నింటి కంటే  అందమైన  నా మదిలో..
నిన్ను వెతుక్కోలేదు  చూడు.