07/09/2014

|| నమో బాపు ||


నాకలోకానికి కొత్తరంగులద్దుతోంది
అంచెలంచెలుగా ఎదిగిన 'బాపు' కుంచె 

అప్సరలంతా లైను కట్టేసారు 'బాపు' ముందు 
మా బొమ్మలు కూడా అందంగా  వేయమంటూ

ఏకగ్రీవంగా ఎన్నుకున్నారు 'బాపు'ని
దేవలోకానికి ఆస్థాన చిత్రకారునిగా 

సంపూర్ణ రామాయణాన్ని మళ్ళీ తీస్తున్నారు 'బాపు'
మేకప్పక్కర్లేని దేవతలే పాత్రధారులుగా.

భూలోకంలో దేవకుమారుల వేట మొదలైంది 
'బాపు' చూపిన చిత్రాల్లోని (బొ)కొమ్మల కోసం

'బాపు'కే  ఇచ్చాడు విశ్వకర్మ...
తాను నిర్మించే భవనాల గోడలపై చిత్రాలు గీసే కాంట్రాక్టు.

బ్రహ్మ కూడా శిష్యుడయ్యాడు 'బాపు'కి
అందరి నుదిటి రాతలు మరింత అందంగా వ్రాద్దామని 

పొట్టచెక్కలయ్యేలా నవ్వుతున్నారు...దేవతలు 
బాపు కార్టూనుల ప్రదర్శనలు చూసి.

సరసన చోటిచ్చారు దేవతలు 'బాపు'కి 
తమని...తమకంటే బాగా చిత్రాల్లో చూపాడని.

ఒక్కదేవుడైనా ఇవ్వలేదు శతాయుష్షు...
అందరికీ తన రేఖాచిత్రాలలో ప్రాణం పోసిన 'బాపు'కి 






   



3 comments:

  1. చాలా చక్కగా , చమత్కారంగా రచించారు . ఒక్కమాటలో చెప్పాలంటే భేషుగ్గా వున్నది .

    ReplyDelete
    Replies
    1. ధన్యవాదాలు శర్మగారు ...
      మీ ఆత్మీయ ప్రశంసకి.... _/\_ ...#శ్రీ

      Delete
  2. బాపురే..! బాపు.. "రే" మీమీద ప్రసరించినట్టు బాగా వున్నాయి బాపు-ద్విపదలు

    ReplyDelete